o岩o岩睇完勁歌

少有地令人有驚喜：

先有崇基、崇德加埋謝安琪以3部Harmony唱出兩首舊歌。雖然有D音唔係好準，但以勁歌唱 live，仲要唱3-Parts Harmony，都算罕見。值得支持！

李生以一貫嗌歌風格都總算唔衰得去邊。但最令人驚喜o既竟然係 at17 + 森森 + 班班大合唱幾首經典懷舊歌。at17 不嬲都有番咁上o下唱功，最估唔到o既係森森 + 班班雖然一把年紀，但係唱起o黎仲好過好多今日所謂一姐一哥，起碼佢地夠「齊」，呢樣野o係 Twins 身上永遠都搵唔到！

差D唔記得仲有方力申，不過我都唔知佢唱乜！