大抽獎

每年十二月份都會有兩個 Annual Dinner，一個是全個部門的大型 show（50幾圍），另一個是自己 section 的小型晚飯（12圍）。

連續2年做了”台慶”的司儀，不但冇得食，次次見到其他同事抽到由某問責局長私人送出的超級大獎（包括數份過萬的旅遊禮劵、PS3、Video Cam、專業級數的 DC ....）都冇我份抽中。佢畀得開心時，同事又中得開心，而我只可以成12點回到家食杯麵。

至於自己 section 的晚飯，當然是我們做 section leader 的請伙記食飯的日子啦。當晚獎品當然沒有”台慶”咁豐富，但數目理應四個中三份。很高興今年可以與我同組人12個剛好一檯，我同事驚喜地買了10份小禮物送給我們。10份...扣除佢自己，即是有一個人冇份。我”幸運地”抽中唯一一張寫上”Good Luck”的紙仔，即是說，我已擁有 Good Luck 了，便只可以望著其他同事拆禮物了。作為佢地上司，我當然要”好大方地”表示沒有所謂啦！到了大會的抽獎時刻了，我檯最初一無所獲。但當到頭20份大獎時，我檯便”發力”後來居上，全檯12個人竟然有11個人抽到大獎！哈哈！第12人當然又是我！

mm ... 某問責局長送幾萬大元出來抽獎都咁開心，我年年都抽唔到獎，一樣可以好開心呢！

p.s. 我呢個 Blog 有我 D 好同事瀏覽，所以點都要寫得”大方D”