香港人人有運行

今朝一早去麥當當食早餐，見到個餐盆張廣告紙上面印有蘇咩峰o既豬年十二生肖運程。八卦睇睇佢講乜，發現全部12個生肖都有運行，屬呢兩個生肖就投資會有得賺，而屬果三個生肖o既就工作上會有升職機會。總之無論你屬邊個生肖，你睇完之後都會覺得好o岩聽，難怪年尾果D講運程o既書咁好賣。照佢所講，出年唔會有人窮，唔會有人死，唔會有人病。

有時搭巴士睇Roadshow 果D“師傅”會提醒屬咩屬咩o既人要小心身體，有D又要小心感情波折，有D又要小心失財。

mmm… 我都識得講啦：總之大家要努力工作，老闆賞識就可以升職加薪。適當又適量投資都會有回報o既！但係太盲目投機就要小心有金錢損失啦。工作唔好太操勞，要小心身體，仲要多D陪屋企人同心愛o既人，唔好激嬲人地，大家就和和氣氣 … 出年就大家都有運行啦！